[yoast-breadcrumb]

Cabo Verde Trail Séries, ten gerode muvimente interne i promovide KabeVerde kome destine turistike

by | 23 Jun 2021 | noticias

Cabo Verde Trail Séries, nasê d’prujete Cabo Verde Triangle Trail, kriôde na 2019, pa inpresa “IN TOTUM”, pa promovê desporte i turisme na país, por li ter un diversidade geografika i natural d’xselênsia

Ese tipe d’mudalidade li na Kabeverde ten konkistode txeu amante d’desporte radikal i d’natureza na txeu part d’munde, sima konta https://turismoSAB.cv, Rui Marques, un d’kes organizador d’prujete.

“Ese prujte é txeu abranjente (…)! Pa turisme, nu funde ese prujete kre gerá muvimente turistike interne. Nô ta konta ke pratikante d’Santiago, d’Fogo i Santo Antão é ta partisipá na kes prova fete na Sãu Nicolau i dpôs nô ten partisipasãu kontrárie kuando atividade for na kes ôte ilha. Nô ta ba ter muvimente turistike interne i nô ta ba ten pratikante internasional ke por kause d’ese mudalidade ta resôlve bai es sô o kunpanhôde pa ses femilia pa Kabe Verde pa proveita i konxê (…)”, xpliká Rui Marque

Marque ta proveita inda pa mostra ôte benefisie d’ese tipe d’modalidade ke upurtunidade d’mostra país pa munde atravês de kes prope partisipante, ônde kes ta kaba pa fazê “marketin organic” d’lugar, d’país i d’ivente.

Ese ône é 3ª edisãu d’ese ivente é ta inklui na se programasãu atividade pa atleta jôven, adulte i kriansa, pa inpresarie, gestor dsportive, studante, i tud amante d’natureza i d’mudalidade moda, trekking, trail e ultra trail, ke destake pa rail running, fete na:

  • São Nicolau Trail (SNT) 26-27 junho,
  • Maio Ocean Trail (MOT) 14-15 agosto,
  • Santiago Ultra Trail (SUT) 23-24 setembro,
  • Santo Antão Triangle Trail (SATT) 9-12 dezembro,
  • Fogo Vulcan Trail (FVT) 2022

Einda es ta fazê atividade d’karis susial, kultural i kapasitãu. Se bô krê sâbe mas, kunpanha ese vídie i inskrevê pa konxê na rial manera kê un ivente d’ese tipe.

 

es artigue tá eskrite pa:

Albertina Rodrigues | turismoSAB.cv

Albertina Rodrigues | turismoSAB.cv

Jornalista

Mentora do prôjete, konsiderôde un eterne aprendiz, el inkontrá na turismoSAB.cv un desafiu enorme pá permiti konxê medjor nôs línga y nôs turisme!

Inkérite: Prujete Zipline Recreativo – Fase II

Inkérite: Prujete Zipline Recreativo – Fase II

[yoast-breadcrumb]Stude d’Impacte Anbiental d’Prujete foi kolokode pa konsulta publika atê dia 28 d’junhe i na ese mumente el ta ser analisod pa Autoridade d’Avaliasãu d’Impacte Ambiental i membre d’membre d’konselhe d’AvaliasãuEse prujete é un xtensãu d’Zipline,...

read more
VINDOS Do ORIENTE – Carnaval Mindelo 2020

VINDOS Do ORIENTE – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more
ESTRELA DO MAR – Carnaval Mindelo 2020

ESTRELA DO MAR – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more

Ben sabê más de turismo na Kabeverde!

Inskrevê na nôs newsletter pá sabê más de jôrnal online turismoSAB.cv: no tá mandá so emails ke util y interesante pá bo fka tá sabê medjore o ke tá pása na munde de turisme kabeverdiane.

[et_bloom_inline optin_id="optin_3"]