Kriadu na 2019, Instituto do Turismo de Cabo Verde (ITCV) ten se séde na Sal desde one pasode. Kriode ke intensãu d’potensializa mas setor d’turistike na ilha i na Kabeverde, el ten kome misãu regula i fiskaliza setor d’turisme, ma tanbê, kria pulitikas i studes pa promove Kabeverde kome d’stine turistike.
Nô ben konxê max ITCV na konversa ke turismoSAB.cv teve ma presidente, Zilca Paiva, ondê ke-l ta xplika sobre funsãu i desafius é ten pa frente, ka sô pamode é un urganizasãu ke é nôve, ma tanbê pamode rume ke país tma por kausa d’pandmia d’COVID-19 i ke ubriga setor turisme ser repensode.
Nô ta destaka alguns ponte d’nôs konversa moda:
- D’2019 pra li, u ke é k’foi konseguide kome meta;
- Papel d’observatórie d’turisme;
- Na ke ta konsiste kes dôs grande plone – Plano de Desenvolvimento do Turismo Sustentável e Plano de Marketing Turístico pa ejda inpulsiona turisme na Kabeverde;
- K’manera ke plone d’marketing ta ben kontribui pa prumuve país kome d’estine turistike i marka Kabeverde;
- K’manera ke ti ta ser pensode ultrapasa desafius ke plone ta akonselha pa medjora setor;
- i otxe asunte d’nôs konversa…
Comentários estão fechados.