O nosso planeta possui uma diversidade incrível de vida e de ecossistemas. Esses recursos preciosos estão ameaçados pelo desenvolvimento humano, pelas alterações climáticas e por outros fatores. É aí que entram as áreas protegidas. Estes lugares especiais são reservados para salvaguardar o mundo natural e os seus habitantes. Neste episódio do programa Mundo Sustentável, vamos explorar o mundo das Áreas Protegidas. Descobriremos por que razão são tão importantes e conheceremos os desafios que enfrentam, incluindo no que toca à sustentabilidade económica!

Cabo Verde Trail Séries, nasê d’prujete Cabo Verde Triangle Trail, kriôde na 2019, pa inpresa “IN TOTUM”, pa promovê desporte i turisme na país, por li ter un diversidade geografika i natural d’xselênsia

Ese tipe d’mudalidade li na Kabeverde ten konkistode txeu amante d’desporte radikal i d’natureza na txeu part d’munde, sima konta https://turismoSAB.cv, Rui Marques, un d’kes organizador d’prujete.

“Ese prujte é txeu abranjente (…)! Pa turisme, nu funde ese prujete kre gerá muvimente turistike interne. Nô ta konta ke pratikante d’Santiago, d’Fogo i Santo Antão é ta partisipá na kes prova fete na Sãu Nicolau i dpôs nô ten partisipasãu kontrárie kuando atividade for na kes ôte ilha. Nô ta ba ter muvimente turistike interne i nô ta ba ten pratikante internasional ke por kause d’ese mudalidade ta resôlve bai es sô o kunpanhôde pa ses femilia pa Kabe Verde pa proveita i konxê (…)”, xpliká Rui Marque

Marque ta proveita inda pa mostra ôte benefisie d’ese tipe d’modalidade ke upurtunidade d’mostra país pa munde atravês de kes prope partisipante, ônde kes ta kaba pa fazê “marketin organic” d’lugar, d’país i d’ivente.

Ese ône é 3ª edisãu d’ese ivente é ta inklui na se programasãu atividade pa atleta jôven, adulte i kriansa, pa inpresarie, gestor dsportive, studante, i tud amante d’natureza i d’mudalidade moda, trekking, trail e ultra trail, ke destake pa rail running, fete na:

• São Nicolau Trail (SNT) 26-27 junho,
• Maio Ocean Trail (MOT) 14-15 agosto,
• Santiago Ultra Trail (SUT) 23-24 setembro,
• Santo Antão Triangle Trail (SATT) 9-12 dezembro,
• Fogo Vulcan Trail (FVT) 2022

Einda es ta fazê atividade d’karis susial, kultural i kapasitãu. Se bô krê sâbe mas, kunpanha ese vídie i inskrevê pa konxê na rial manera kê un ivente d’ese tipe.