- Advertisement -
Através di Fonténha Residensia kriative, Sintanton foi durante seti dia palku di URDI- Fera Nasional di Arte, Artesanatu e Design ki esi onu tá bá na si 5ª edison.
Fonténha Residensia kriative é un eventu koletivu multidiskiplinari di artista y kriativus, realizadu na Salon “Created in Cabo Verde” pá murgudja na kultura y istória lukal, vivensia y sibolismu en torni di kel ki é lukalidadi remota de sintanton ki é Fontainhas.
kordenason é fetu pá designer e artivista susial kabuverdianu, David Monteiro, y ta kontá ku partisipason di Karine Silva y Ayrton Cruz ki é Ilustradoris, Billy da Luz ke arteson y iskultor, Caplan Neves ki é Dramaturngu y Samira Vera Cruz ki é siniastra
Tá konta inda ku partisipason di artista plastiku Tchalé Figueira, komu konvidadu.
5ª edição da URDI ta kontisi ese anu di 25 a 29 di Novenbre y teni komu tema “ekilíbriu – ekulugia y kriatividadi”.
Pa primeru bez ta kontisi fora di Son Vicenti o seja, sta ta ser fetu na tudu munisipiu di Kabu Verdi, na ateliers di arteson.
URDI é un fera di aartesanate y design, realizadu pa ministériu di kultura y industrias kriativas dizinhadu pa arteson ku obijetivu di estimulá dinamika, interativu, fortifikanti na klasi di arteson na Kabu Verdi.
Má, tanbi, é pa aprofunda valorisason di kultura kriativa na sei di artisanatu y di design na un perspetiva estétika kontenporania y, subritudi pa reserva matriz patrimunial pensadu na alavanká ekunumia di país.
Comentários estão fechados.