[yoast-breadcrumb]

“SOS Bubista” ta sei na rua d’lute, pa alerta k situasãu na Boa Vista e grave i sen prespetiva

by | 5 Fev 2021 | noticias

SOS Bubista ta prepará un manifestasãu pa sôbde, dia 6, na rua d’Ospital, sentre D’Sal Rei, tude jente vestide d’prete, ta revindiká ote atensãu pa ilha d’Bubista. TurismoSAB.cv fala ma alguns d’kes organizadores d’manifestasãu, i es dzê k intensãu e mostrá manera k Bubista ta “totalmente parode i situasãu e katastrofika”.

Es tá revindiká medjuria na transporte aérie e maritme, ixistensa d’bloke operatórie i pa termina laboratórie d’virologia i k tava ta ser konstruide i gora tá parode.
Na ses visãu e posível fazê mas pa tra ilha d’ese sufoke kel tá vivê:

“Governe podê fasilitá operadores turistike. (…)i kondê governe ta krê es ta fazê sin, purk, pa ba pa Praia e preside un vou xei, i ise ka ta kontesê. Pa ba pa Sal mesma kosa. Governe ten k investi. Ese kosa e moda un negose. Antes d’lukre te k ten invesimente, kria kondisões (…)”,

xpliká TS, Gau Varela, un d’kes organizador, ta reforsá k es ta preokupode k isolamente k ilha ti ta vivê i el ta perguntá:

“Sende Bubista un ilha turistika, na ese situasãu d’pandmia e ta na munde, manera k’turista tá krê ben prei k es kondisões prekária d’saude? Es komesá un laboratório a ferro e fogo (…) nô ka ta intendê purk kel traboi ta parode?”

“(…) turismo pa Bubista devia ser pensode d’ote forma. Desde prinsipie es devia tma ixemple na ilha d’Sal i projetá Boa Vista d’ote manera. (…)”,

upiniãu d’Delicio (Dizó) Ferreira, Presidente e tá organizá manifestasãu. El ta defende k devia ser apostode na kes ZDTI i konsentrá mas setor d’alojamente i espia forma d’kria atratives pa Sal-Rei.

Ta juntá na ese luta otxes asosiasões, moda fla nôs, …, k e tambê membro d’grupe, i el tá frisá k es krê ajudá na medjora ilha, “ideia ka tá falta pa ise, apenas no krê oportunidades”, konklui.

Krê sabê mas konpanha vidie …

es artigue tá eskrite pa:

Albertina Rodrigues | turismoSAB.cv

Albertina Rodrigues | turismoSAB.cv

Jornalista

Mentora do prôjete, konsiderôde un eterne aprendiz, el inkontrá na turismoSAB.cv un desafiu enorme pá permiti konxê medjor nôs línga y nôs turisme!

Inkérite: Prujete Zipline Recreativo – Fase II

Inkérite: Prujete Zipline Recreativo – Fase II

[yoast-breadcrumb]Stude d’Impacte Anbiental d’Prujete foi kolokode pa konsulta publika atê dia 28 d’junhe i na ese mumente el ta ser analisod pa Autoridade d’Avaliasãu d’Impacte Ambiental i membre d’membre d’konselhe d’AvaliasãuEse prujete é un xtensãu d’Zipline,...

read more

Ben sabê más de turismo na Kabeverde!

Inskrevê na nôs newsletter pá sabê más de jôrnal online turismoSAB.cv: no tá mandá so emails ke util y interesante pá bo fka tá sabê medjore o ke tá pása na munde de turisme kabeverdiane.

[et_bloom_inline optin_id="optin_3"]