[yoast-breadcrumb]

“Retôma d’turisme pôde ser posível se KabeVerde konsegui vasiná 70% d’se pupulasãu tê Maio 2021”

by | 6 Abr 2021 | noticias

turismoSAB.cv tive ta konversa ma un d’kes mas antigue jestor d’ajensia d’viajen d’Kabeverde, Benoit Vilain, i durante konversa nôs falá sobre vasinasãu i se inpurtansia pa retoma d’turism

Pa ese retoma ser pusivel, Benoit Vilain, ta dzê nôs ke pa visãu kel ten i pa u k’ten side feite na otxes ponte turistike ke maj speriensia ke Kabe Verde, é prisise un investimente txeu forte na vasinasãu, pa pôde fazê kunkistá un turisme moda é tava antes pandmia.

“Oje en dia, vasinasãu é un investimente. Ten kunkurente d’Kabe Verde é ti ta vende-l kome un trunfe. Nô ten kriôde kondisãu pa resebê turista ke tude siguransa i ten side pensôde na prutensãu d’pupulasãu lukal, enton, na nha upiniãu, vasina é un trunfe ke Kabe Verde ten ke jegá i rapte. N ka spesialista, N ka médiku, ma ka te parsê-me un kosa mute difísil vasiná 70% d’pupulasãu kabeverdiana i subretude dá un pôse medjor ke konsigui vasiná tude gente d’ilha DjaSal i dpôs Bubista. N ka krê dzê ke devê ten un preferênsia pa ilhas, ma, é ke na ese mumente ken ta pôde jerá rendimente d’tude negôse d’turisme é es dôs ilha”.

Splika ese jestor, ta akresentá ke ese desisãu seria un investimente na marketing moda é ti ta kuntesê na otxes destine turistike.

“Ka ta brinkôde ke vasinasãu, purke e pa protejê populasãu i pa tude jente sinti livre d’ese vírus. Ma, se ise ka kuntesê, nô ta korrê un riske grande d’fka fora d’destines ke nô ten na nôs merkade imisor. Purke, un kosa é serte, logue ke guverne d’país erupeu relaxá un kzinha na regras d’restrisãu na viajen, logo tude jente ti tá ben krê viajá. Ti ta ba ten un muvimente d’psoas fora d’serie, enton, nô ten ke proveitá ese upurtunidade. Es gente ta ba xkulhê Kabe Verde ka pamôde trankuilidade, ta ser pur kausa d’siguransa en termes d’vasinasãu. (…)”, kunkliu, Benoit Vilain.

Turisme d’vasinasãu e nove marketing mundial pa retôma É inportante lenbra ke txeu país imisôr normalmente ta prepará ses pokôte d’viajen d’inverne é na verãu, o seja, tude turista é krê viajá na épuka alta, partir d’mes d’junhe es ta kunprá ses bilhete d’pasajen. Ise krê dzê ke se Kabe Verde na verãu ka tivier 70% se pupulasãu vasinôde el ta korrê riske d’perdê pa kunkurênsia é k’ten postôde na turisme d’vasinasãu. Di akorde ke kumunikasãu susial internasiunal, meiuria d’país é ta dpendê d’turisme já rekôrre pa vasina kome forma d’kunkista turista. Site Our World in Data, skrevê resentemente ke lugar môda, Israel, Emirados Árabes Unidos, Seychelles, Reino Unido, Rússia, Índia ta na linha d’frente ta pôsta na vasinasãu kome stratéjia pa txema turista. Reino Unido é ke prinsipal país imisor d’Kabe Verde el foi primer é ke komesá vasinasãu (mej dzenbre) i ja-l ten meiuria d’ses jente vasinôde.

Sabê más na vidie

 

es artigue tá eskrite pa:

Albertina Rodrigues | turismoSAB.cv

Albertina Rodrigues | turismoSAB.cv

Jornalista

Mentora do prôjete, konsiderôde un eterne aprendiz, el inkontrá na turismoSAB.cv un desafiu enorme pá permiti konxê medjor nôs línga y nôs turisme!

Inkérite: Prujete Zipline Recreativo – Fase II

Inkérite: Prujete Zipline Recreativo – Fase II

[yoast-breadcrumb]Stude d’Impacte Anbiental d’Prujete foi kolokode pa konsulta publika atê dia 28 d’junhe i na ese mumente el ta ser analisod pa Autoridade d’Avaliasãu d’Impacte Ambiental i membre d’membre d’konselhe d’AvaliasãuEse prujete é un xtensãu d’Zipline,...

read more
VINDOS Do ORIENTE – Carnaval Mindelo 2020

VINDOS Do ORIENTE – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more
ESTRELA DO MAR – Carnaval Mindelo 2020

ESTRELA DO MAR – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more

Ben sabê más de turismo na Kabeverde!

Inskrevê na nôs newsletter pá sabê más de jôrnal online turismoSAB.cv: no tá mandá so emails ke util y interesante pá bo fka tá sabê medjore o ke tá pása na munde de turisme kabeverdiane.

[et_bloom_inline optin_id="optin_3"]