[yoast-breadcrumb]

LLANA HOTEL (TRG) perde kase na tribunal pa inkunprimente d’kontrote, ma dpos d’ un one, inda ka devolve denher pa proprietarie

by | 14 Jun 2021 | inquéritos

Emigrante kabeverdiane Adelino Manuel Delgado konta TS historia do inkunprimente d’LLANA BEACH HOTEL, SA depos d’ganha prusese na tribunal

Na dia 15 d’agoste d’2013, Adelino Manuel Delgado, enigrante, desidi investi se popansa na Kabeverde, enton, el eskolhi DjadSal pa investi, grasas a publisidade ke na épuka tava ta sirkula sobre apartamente geride pa The Resort Group (TRG).

Delgado eskôlhe konpra un apartamente na Llana Beach Resort e Spa, na Djadsal, ta kustá 161,457,50 EUR, ta ekivalê a 17,803,000$00 eskude d’Kabeverde.

Moda Adelino Delgado ta konta turismoSAB.cv (TS), el foi na epuka konvidôde pa TRG pa ben konxê ilha d’Sal i, tanbê, konxê prujete. El fka konvinside, enton, el resolvê investi.

“Na maio de 2013, pur kauza d’krise finanser na Europa, N resolvê investi nha dner d’nha konta popansa na Sal. N konsegui fala ma eskritórie d’TRG na Londre. TRG konvida-m pa konxê apartamente i N kaba pa koxê Sal i tanbê investimente é tava ta ser fete i otxes tava ta ser fete. N fka konvinside N resolvê investi (…). N fazê kontróte d’konpra i venda einda na Sal. Só ke pa nha esponte, ken tava responsavel pa kes kontrote dzê-m ke es tinha ke ser inviôde pa Londre pa sr. Robert Jarrett siná i dpôs dvolve-m el”, konta TS Delgado.

Moda el ta dzê, el otxa estronhe purke, normalmente ka é un prusedimente normal na un kontrôte. I, alén dise, desde 2013 pa li, ainda ka foi fete eskritura d’apartamente na kartórie.

“N otxa estronhe, ma, kontinua ke prusese. N regresá pa Luxenbrugue ke un kopia, i N fazê transferensa d’ 17 mil i 800 konte(161 mil €) na ses konta. N konpra un apartamente na rês txon i N pagal tude, purke es dze-m ke N podia ter un deskonte 15% na kunpra d’imovel. N foi un poke injenue, purke N paga-l i N fka tá espera kontrôte k era pa ser intregôde na Luxebrugue i tê agora nada”, dzabafá.

Delgado ta akresentá inda ke el torná voltá pa Kabe Verde i el fala ke un representante d’TRG ke era kabeverdiane, i dpôs ma representante na Londre, ma es resolvê invia-l un kontróte diferente d’ke-l primer pa-l siná.

Ka era igual d’ke kel primer ke ja-m tinha sinôde un mej antes na Sal. N ka kris sina-l ke ja-l tinha mudansa. Es dzê-m ke es tava tá ba espia kel antigue. N fka te esperá i kome N insisiti txeu, na 17 marse d’2016, 3 one dpôs ke es dvolvê-m kontróte. Es justifiká ke ken ta responsavel na épuka pa kel kontrôte tinha seide d’inprensa, enton, el ka terminá kel servise”, spliká detalhadamente , Adelino Delgado.

Delgado tá dzê, el tá akredita ke “foi un eskema usôde pa pôde leva ganhá tenpe e evitá ke investidor ta falá diretamente pa gestor d’apartamente”.

Delgado entrá na justisa i na 2020 tribunal d’Sal ubriga LLANA BEACH HOTEL, SA d’volvê-l se dner, ma, el tá dzê ke

“senpre gestor d’The Resort Group, Sr, Robert Anthony Jarrett prumete dvolvê dnher investide i nunka ise kontese”.

I por trás dise, el ta xpliká ke, u ke ta kontese mesme é ke skritura publika nunka foi fete, purke, “tude kel konplexe Llana Beach ta ipotekôde na Caixa Económia de Cabo Verde (…)”

TS kontata advogade d’TRG pa konxe ses posisionamente sobre asunte, ma kome resposta, es dze ke ta sob alsada de justisa (pendente em tribunal), pur ise es ka podia prenunsia.

Pa sábe mas d’ese stória, oiá vidie …

es artigue tá eskrite pa:

Albertina Rodrigues | turismoSAB.cv

Albertina Rodrigues | turismoSAB.cv

Jornalista

Mentora do prôjete, konsiderôde un eterne aprendiz, el inkontrá na turismoSAB.cv un desafiu enorme pá permiti konxê medjor nôs línga y nôs turisme!

Inkérite: Prujete Zipline Recreativo – Fase II

Inkérite: Prujete Zipline Recreativo – Fase II

[yoast-breadcrumb]Stude d’Impacte Anbiental d’Prujete foi kolokode pa konsulta publika atê dia 28 d’junhe i na ese mumente el ta ser analisod pa Autoridade d’Avaliasãu d’Impacte Ambiental i membre d’membre d’konselhe d’AvaliasãuEse prujete é un xtensãu d’Zipline,...

read more
VINDOS Do ORIENTE – Carnaval Mindelo 2020

VINDOS Do ORIENTE – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more
ESTRELA DO MAR – Carnaval Mindelo 2020

ESTRELA DO MAR – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more

Ben sabê más de turismo na Kabeverde!

Inskrevê na nôs newsletter pá sabê más de jôrnal online turismoSAB.cv: no tá mandá so emails ke util y interesante pá bo fka tá sabê medjore o ke tá pása na munde de turisme kabeverdiane.

[et_bloom_inline optin_id="optin_3"]