Jovens ti ta inplamenta negosiu kumintarie pa diversifika oferta turistika i dzenvolve kumnidades
Prujete e un forma d’ligá kumnidade i turista já tá pensa na dzenvolvimente susial, ambiental i sustentabilidade d’kes mesme kumnidade, ondê kes ten un suporte pa inpudera pesoas atravex d’ses oferta lukal.
Negôse susial ke foke na konetá kumnidade i turistas e aposta d’dox joven, António Barbosa Monteiro d’ilha d’Santiago i Divânia Fortes d’ilha d’Sal, ke depôs d’partisipá na Prujete Internasiunal “LampHope” es desidi inplementa ideia na Kabe Verde pa ingana krise i isdá kumnidade na diversifikasãu d’ ofertas turistikas na paíx.
Na konversa ke TurismoSab.cv teve ma ex jovens, no fka pa sabê ke, prujte e un forma d’ligá kumnidade i turista já tá pensa na dzenvolvimente susial, ambiental i sustentabilidade d’kes mesme kumnidade, ondê kes ten un suporte pa inpudera pesoas atravex d’ses oferta lukal.
“Lamphope sê ubijetivu e inpudera kumunidadi, atravex d’potensialidadi turistika ke kada un podi uferesi. Un izenplu konkretu e ke na ilha di Santiago nu tá trabadja ku varius kumunidadis, Ribeira Grandi, Sãu Martinhu, Pico Liãu i otxus. Nu sabi ma kada un di kes kumunidadi ten putensialidadis turistiku pa da risposta a novus tendensias, sima turismu kumunitariu, ligadu a turismu di natureza, psoas la fora kre konxi kel lôkal …”, reforsa António Monteiro.
Já Divânia Fortes ti ta oia na esse ideia, un grande oportunidade pa diversifika u ke ilha d’Sal já tá oferese, ke sol i praia, por ise ke na kinta-fera, prujete tá bem ser apresentode na ilha, pal pôde dá ses primer aranke.
“Na peskisa ke no ten fete, no ten konstatôde ke turista tá espia senpre lugar é tá da-l trankuilidade. Sal e un ilha trankil, enton dente d’ese trankuilidade nôs tá pôde traze otxes ofertas. Atravex d’un postura menus infurmal pusivel txega na psoas i ajudas a inplamenta ses negõsie o ideia d’negósie, senpe na intensãu d’ajudas a ser mas autonome posivel. Enton, no ten kontatôde ma guias, kes donas d’kasa pa oferese ses dosin sabe, kel é tá planta se batata doce pa un kmidinha d’terra…ke pode ser un upurtunidade pa un turisme gastronõmike li. (…) e presise mostra pesoas ke es tá inkluide na ese prusése i mostra-l ke el ten apoie pa-l produzi”, reforsa Divânia, lenbronde ke kada kumnidade e un potensial ponte turiske i ke se oferta e u kel ten d’mas jenuine i lukal.
Prujete i ptalaforma tá ben ser lansôde kinta-fera na ilha d’Sal i pimer kumnidade e tá resebe-l é Rbera Funda. Plataforma “LampHope.com” e un prujete d’negósie susial pa koneta kumnidade ke turistas ke proposte tá pensa na dzenvolvimente susial, ambiental i sustentavel d’kes kumnidade, ondê ke 25% d’kada xperiensia e diresionôde pa ajuda-s.
es artigue tá eskrite pa:
Albertina Rodrigues | turismoSAB.cv
Jornalista
Mentora do prôjete, konsiderôde un eterne aprendiz, el inkontrá na turismoSAB.cv un desafiu enorme pá permiti konxê medjor nôs línga y nôs turisme!
EXCLUSIVO: Krónika d’viaje: “SAL-BOA VISTA, martire i desespere”
Situasãu d’transpote na kes ilhas d’Kabe Verde é senpre un asunte é tâ dá ke falá i ta senpre na dia, inda por sima ten side un de kes kosa é ten trazide mute dzafiu na paíx. Ese vídie fete na verão pa un kasal d’turista na perkuse Djadsal ->...
Inkérite: Prujete Zipline Recreativo – Fase II
Stude d’Impacte Anbiental d’Prujete foi kolokode pa konsulta publika atê dia 28 d’junhe i na ese mumente el ta ser analisod pa Autoridade d’Avaliasãu d’Impacte Ambiental i membre d’membre d’konselhe d’AvaliasãuEse prujete é un xtensãu d’Zipline,...
Sal ta volta ta resebe kanpionate internasional D’windsurf
Serka de 32 atletas internasiunal ta na ilha d'Sal pa primera etapa d'kanpionate d'munde de windsurf – 2022 PWA Word Cup – na praia d'Ponta Preta, na sidade d'Santa MariaKabeVerde ta representode pa Josh Angulo, un atleta ke txeu one d` esperiensa,I...
Bestfly reforsa frota ke mas un aviãu i já na prosimus dias ta inisia ke mas vou
Aviãu d’matrikula, D4-BFB é sertifikode pa operador kabeverdiane txega onten na areoporte internasional d’Praia. Aviãu tá identifikidode na se nome komersial de “BestFly Cabo Verde by TICV”, i el ten objetive de bem retoma kes ligasãu dumestika ke...
VINDOS Do ORIENTE – Carnaval Mindelo 2020
Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...
ESTRELA DO MAR – Carnaval Mindelo 2020
Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...
Ben sabê más de turismo na Kabeverde!
Inskrevê na nôs newsletter pá sabê más de jôrnal online turismoSAB.cv: no tá mandá so emails ke util y interesante pá bo fka tá sabê medjore o ke tá pása na munde de turisme kabeverdiane.