[yoast-breadcrumb]

Inkérite: Prujete Zipline Recreativo – Fase II

by | 3 Jul 2021 | inquéritos

Stude d’Impacte Anbiental d’Prujete foi kolokode pa konsulta publika atê dia 28 d’junhe i na ese mumente el ta ser analisod pa Autoridade d’Avaliasãu d’Impacte Ambiental i membre d’membre d’konselhe d’Avaliasãu

Ese prujete é un xtensãu d’Zipline, lukalizode na zona d’Serra Negra, na ilha d’Sal, pa un inpresa privade geride pa investidores stranger (Extreme Fly CV) i el avaliode na un montante d’3 milhões de euros. Obejetive é kria un parke d’diversãu radikal na serka 36 eketar d’terene pa anplia prujete inisial a volta d’lukalidade d’Serra Negra, un área prutigida i reserva natural. Ke se inplementasãu otxes tipe d’atividade moda perkurse d’aventura; balonse pa psoas i stiligue; ponte tibetana; kaping; fun bob; eskorega; pasadera flutuante ta pasa ta ser nove ofertas turistika pa ilha d’Sal.

Stude d’Impacte Anbiental d’Prujete foi kolokode pa konsulta publika atê dia 28 d’junhe i na ese mumente el ta ser analisod pa Autoridade d’Avaliasãu d’Impacte Ambiental i membre d’ membre d’konselhe d’Avaliasãu Nu intante, txeu jente, inkluinde finansiadores, investigadores i kumunidade sientifika, purfesores lokal, nasiunal i internasiunal, mostra ses deskontentamente, uns na rede susial, otxes d’forma mas institusional moda un komunikade é k’foi inviode pa kumisãu d’avalisãu.

https://turismoSAB.cv, prokura faze un inkerite pa konxe kal ke inpakte d’ese prujete na setor d’turisme. Enton, kestãu ke no ta koloka pa nos intervistode é seguinte:

  1. Ese tipe d’atrative turistike pode ejda na medjora proposta turistika d’kabe verde?
  2. Ke tipe d’turisme seria interesante pa Kabe Verde na ese mumente?
  3. Ese prujete tá bem ser un mas valia pa potensia mas traboi pa ilha?
  4. Kal ke kontroversia é ke ese stude d’inpakte anbiental ta presenta?
  5. Kal ke solusãu o proposta ke nos intrevistode ten pa ejda na valorizasãu d’Serra Negra i pa medjor turisme na Sal nun sintide mas d’kualidade?

Zipline é un prujete de diversãu fete ke tiruleza kolokode na lukalidade d’Serra Negra pa txi serka d’800 metre atê praia d’marna un kabe d’ase na velusidade. Ken ten se gestãu é inpresa Extreme Fly CV i el komesa ta funsiona na 2020, durante épka d’pandmia (COVD-19) ke intensãu d’traze pa Sal un ote forma d’faze turisme, já ta pensa na un turisme mas radikal.

Jornal online turismoSAB.cv kontata inpresa prumutora d’prujte pa pode sabe ses posisãu, ma infelizmente ka mostra dispunibilidade.

Kome nos obejetive é ajuda na medjora kualidade d’nos turisme, nós, no tá li, disponivel pa kalker pusivel resposta.

Klika na link pa konxe stude de impacte ambiental.

Tê proxime inkerite!

 

es artigue tá eskrite pa:

Albertina Rodrigues | turismoSAB.cv

Albertina Rodrigues | turismoSAB.cv

Jornalista

Mentora do prôjete, konsiderôde un eterne aprendiz, el inkontrá na turismoSAB.cv un desafiu enorme pá permiti konxê medjor nôs línga y nôs turisme!

VINDOS Do ORIENTE – Carnaval Mindelo 2020

VINDOS Do ORIENTE – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more
ESTRELA DO MAR – Carnaval Mindelo 2020

ESTRELA DO MAR – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more

Ben sabê más de turismo na Kabeverde!

Inskrevê na nôs newsletter pá sabê más de jôrnal online turismoSAB.cv: no tá mandá so emails ke util y interesante pá bo fka tá sabê medjore o ke tá pása na munde de turisme kabeverdiane.

[et_bloom_inline optin_id="optin_3"]