[yoast-breadcrumb]

Djadsal i Bubista: alguns impresas ka ta podê ser kobride pa INPS, pur kausa d’nove “lay-off”

by | 17 Fev 2021 | noticias

Txeu impresas na ilha d’Sal e Boa Vista ta reklama k INPS ka ti ta aseitas aderi a 4° “lay-off”, purk es ka tá fazê parte d’setor d’turisme.

No ta rekorda k Governe d’Kabeverde publika 8 janer, lay-off, feite pa ajudá kes impresa na setor d’turisme, ivente i atividads k konexod na turisme, na suportá ese krise kausode pa pandmia COVID-19 i protegê poste d’traboi. Ese lei tá valê tê 31 d’marse, i d’se vez, na Artigo 4o ta dzê k, INPS ta pagá 45% d’salarie i impresa 25%, basta k impresa komprová k el ten 70% d’keda na se faturasãu.

turismoSAB.cv, teve kunhesimente de alguns impresa ti ta ser exkluide d’entra na ese 4º lei-off, pur kausa d’ese detalhe: “… desta feita com âmbito de aplicação mais reduzida e focada essencialmente no setor do turismo e atividades conexas.”
TS tive ta falá ma Sal Empresas, asosiasãu e ta representa alguns impresa d’turisme. Presidente, Andrea Benolli, dzê k es ta txeu priokupode, purk es ka sabê, kal k kes tais impresas e tá inklui es “atividades conexas”, purke, nunka foi inviode um lista pa impresaries sabê tê ondê txega.

“kestãu e k, na ilha moda Sal i Boa Vista pratikamente tud impresa ta dpendente d’turisme, entãu, inkante tiver ese duvda, es ka ta aderi a ese nova lei. Serteza e un medida nesesarie e k já ten txeu tempe, purk já no tive mas três lei-oof (…) ma, ese ultim li kes alterasãu ka ta permiti tud impresa entrã. Ise dvera ta prejudiká txeu impresa, i, N-ka ta falá só d’Sal i Boa Vista k kes ilha e ta trabaia xklusivamente k turisme, el tá inklui tude impresa d’país.”

dzabafa Andrea Benolli preokupode, purk, ese lei, moda el dzê, ka tá defini kal k kes atividade e tá trabaia k turisme i kal k kes e tá konexod na turisme. Benolli ta lembra k ka ilha ten se difrente, ma, dvia pensá na Sal i Boa Vista e ta 90% afetode pa falta d’turisme internasional i també interne.

“Por ise, no podê dzê k tude tipe d’impresa grinhasin tá afetode. Podê ka ser d’mesma forma, k Mindelo i Praia, purke lá ten ote dinamika i es ka tá dpende totalmente d’turisme, ma tud ta sofrê (…)”

Krê sabê mas konpanha vidie

es artigue tá eskrite pa:

Albertina Rodrigues | turismoSAB.cv

Albertina Rodrigues | turismoSAB.cv

Jornalista

Mentora do prôjete, konsiderôde un eterne aprendiz, el inkontrá na turismoSAB.cv un desafiu enorme pá permiti konxê medjor nôs línga y nôs turisme!

Inkérite: Prujete Zipline Recreativo – Fase II

Inkérite: Prujete Zipline Recreativo – Fase II

[yoast-breadcrumb]Stude d’Impacte Anbiental d’Prujete foi kolokode pa konsulta publika atê dia 28 d’junhe i na ese mumente el ta ser analisod pa Autoridade d’Avaliasãu d’Impacte Ambiental i membre d’membre d’konselhe d’AvaliasãuEse prujete é un xtensãu d’Zipline,...

read more
VINDOS Do ORIENTE – Carnaval Mindelo 2020

VINDOS Do ORIENTE – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more
ESTRELA DO MAR – Carnaval Mindelo 2020

ESTRELA DO MAR – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more

Ben sabê más de turismo na Kabeverde!

Inskrevê na nôs newsletter pá sabê más de jôrnal online turismoSAB.cv: no tá mandá so emails ke util y interesante pá bo fka tá sabê medjore o ke tá pása na munde de turisme kabeverdiane.

[et_bloom_inline optin_id="optin_3"]