[yoast-breadcrumb]

“Associação Restaurantes e Bares do Sal” ta pedi ajuda pa infrenta faturasãu pesod d’ELECTRA

by | 17 Fev 2021 | noticias

turismoSAB.cv intrevistá, Luciano Teixeira, vise -presidente d’Associação Restaurantes e Bares do Sal pa konxê ses preokupasãu i sabê manera k es ti ta dribla ese mumente d’pandemia.

Durante ise no fka tá sabê atê mumente já es ta konta kuns 60 asosiode i k embora kada un ta ba ta fazê se politika interna pa tentá ultrapasá ese mumente, ma, entre tonte priokupasãu, grinhasin, ses maior dor kabesa ta na forma d’reduzi faturas, prinsipalmente ma ELECTRA.

“Dvia ser espiode desde inisie kuande restaurantes i bar komesá ta abri, algun interevensãu d’governe ma ELECTRA. Es podia pensá pur exemple na subsidia as, purk, impresa ta txeu faturas pa pagá, i ise ti ta trazê jente difikuldad tud ora. Faturasãu e kel e ten k ser, ELECTRA ten k resebê purk es ten k funsioná, ma konsekuensia e k nô ti ta fka na un situasãu e k, podê ben levá a diminui psoas pa podê kobri despensa I ningen ta trabaia sen iletrisidade”. 

Kestionde se impresas ka ti ta usufriu d’ “lay-off” ke pa sustenta ese nesesidade, vise-presidente responde k:

“”lay-off” surgi pa ajudá, ma na kestãu d’salarie, i un impresa e ka só salarie. (…) Mta otxa k psoas e k entrá na lei off desde d’abril e purk es ka ten mas rekurse, mesme ta funsioná. Rialmente já ten un numere bem grande e ta funsioná, ma, mka ta konsiderá k es ta k kapasidade pa respondê (…)”

Alen dise, Luciano Teixeira, ta proveitá pa alerta autoridades pa fka mas atente na otxes asunte k na se visãu e preokupante i ta diazá ta kontese na Sal, i k podê ser proveitode ese momente d’arumasãu d’kasa pa resolves. El ta destaka: “mendigagen d’kriansa i adolesente na rua Santa Maria i na porta d’oteils, asedié turista, pa alguns imigrants d’Costa Afrikana, trafik droga, katxore na rua d’Santa Maria i outxes problemas e k einda ti ta afetá imagen d’pais i ta benelizode”.

E txeu problema i el dzê k, el, ta akredita k se impresas uni ta fka mas fasil resolvês, por ise k es kriá ese asosiasãu, k en breve ta apresentá ses plone d’atividade pa ese primer one d’ixistensa.

Krê sabê mas konpanha vidie …

es artigue tá eskrite pa:

Albertina Rodrigues | turismoSAB.cv

Albertina Rodrigues | turismoSAB.cv

Jornalista

Mentora do prôjete, konsiderôde un eterne aprendiz, el inkontrá na turismoSAB.cv un desafiu enorme pá permiti konxê medjor nôs línga y nôs turisme!

Inkérite: Prujete Zipline Recreativo – Fase II

Inkérite: Prujete Zipline Recreativo – Fase II

[yoast-breadcrumb]Stude d’Impacte Anbiental d’Prujete foi kolokode pa konsulta publika atê dia 28 d’junhe i na ese mumente el ta ser analisod pa Autoridade d’Avaliasãu d’Impacte Ambiental i membre d’membre d’konselhe d’AvaliasãuEse prujete é un xtensãu d’Zipline,...

read more
VINDOS Do ORIENTE – Carnaval Mindelo 2020

VINDOS Do ORIENTE – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more
ESTRELA DO MAR – Carnaval Mindelo 2020

ESTRELA DO MAR – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more

Ben sabê más de turismo na Kabeverde!

Inskrevê na nôs newsletter pá sabê más de jôrnal online turismoSAB.cv: no tá mandá so emails ke util y interesante pá bo fka tá sabê medjore o ke tá pása na munde de turisme kabeverdiane.

[et_bloom_inline optin_id="optin_3"]