[yoast-breadcrumb]

Amdjer na turisme é tema debate durante 3 dia, na un konferensia on-line internasional

by | 1 Jun 2021 | noticias

Inisiativa é d’alguns intituisãu é ta priokupôde ke situasãu d’amdjer na setor d’turisme, ta prokurá forma d’ajudá amdjer jiri alguns situasãu negetive é ta kontsê na ese setor i ajudá amdjer fortalesê pa ese retoma ke já ti ta ser preparôd pa kontse na segunde semestre d’2021 na alguns país.

Nun parseria entre Global Women in Tourism, ISCE (Instituto Superior de Lisboa e Vale do Tejo) i Planificame Argentina, ese ivente ti ta ben kontse na dia 2, 3 i 4 d’junhe, nun kônfrensa on-line i el ta kontá ke presensa d’kuate amdjer kabeverdiane:

– Graça Sanches, spesialista na jéneru i formadora na lideransa na Kabe Verde;

– Zilca Paiva, presidente d’ Institute d’turisme d’Kabe Verde;

– Emília Monteiro Tavares Docente, investigadora i kordenadora d’laboratóriu d’insine a distansia na universidade Jean Piaget, d’Kabe Verde;

– Celeste Fortes, vise-presidente d’fakuldade d’siensia susias, humana i arte na universidade d’Kabe Verde.

D’akorde ke Leila Portela, mentora d’ Global Women in Tourism, na konversa ma turismoSAB.cv, ese ivente é un oportunidade pa analiza i valoriza papel d’amdjer na ese setor, konxê ses luta d’dia a dia, ma sobretude, trazê influensa pusitiva é ta pôde ser inspirasãu.

“Durante nha perkurse prufisional, min, modá txeu amdjer na munde kaba pa infrentá algun situasãu menes pusitive. moda asédi sexual i mural (…). No ten ke trazê tema moda ex pa dente d’turisme, purke é un realidade. Tonte amdjer é ta trabaia na otlaria, na “front office” i na “back office”, é ta pasá pa es situasãu i kuande es ta fazê keixa, ex ka levôde a serie pa xefia”.

Inumera Leila Portela, kome un preokupasãu é ka deve ser ignorôde, moda tanbê, otxes aspete “negative d’turisme”, moda “pestituisãu, uze d’droga”, ke na se ponte d’vista “nô ka pode fetxa oi pa es…”, já ke, sima el ta referi,

“kuande nô tá falá d’perpetiva d’jeneru na turisme é izatamente ta pensá, d’ke manera ke ese inpakte negative ten efete i, komesá ta kria un plane d’dzenvolvimente ta prevê ese tipe d’situasãu”,

é ta fragilizá amdjer sobretude. Alén d’ese tipe d’preokupasãu, ese fórun, ta abordá tema moda: investigasãu sinetifika, lideransa fminina, inovasãu i transformasãu digital na dzenvolvimente d’turisme i na igualdade d’jeneru.

Pa konpanha fórun ten ke inskrevê na plataforna na ese link: https://bit.ly/2Ruacpa

Konpanha nos vidie i sabê mas sobre ese ivente é ta pa kontse na dia 2, 3 i 4 d’junhe.

 

es artigue tá eskrite pa:

Albertina Rodrigues | turismoSAB.cv

Albertina Rodrigues | turismoSAB.cv

Jornalista

Mentora do prôjete, konsiderôde un eterne aprendiz, el inkontrá na turismoSAB.cv un desafiu enorme pá permiti konxê medjor nôs línga y nôs turisme!

Inkérite: Prujete Zipline Recreativo – Fase II

Inkérite: Prujete Zipline Recreativo – Fase II

[yoast-breadcrumb]Stude d’Impacte Anbiental d’Prujete foi kolokode pa konsulta publika atê dia 28 d’junhe i na ese mumente el ta ser analisod pa Autoridade d’Avaliasãu d’Impacte Ambiental i membre d’membre d’konselhe d’AvaliasãuEse prujete é un xtensãu d’Zipline,...

read more
VINDOS Do ORIENTE – Carnaval Mindelo 2020

VINDOS Do ORIENTE – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more
ESTRELA DO MAR – Carnaval Mindelo 2020

ESTRELA DO MAR – Carnaval Mindelo 2020

[yoast-breadcrumb]Sen Karnaval, restá nôs rekorda, entãu, nada medjor k un kzinha d’Karnaval Sonsent 2020 Akompanhá vidie li d’boxePandmia d’COVID-19, pára tud i karnaval ka tinha k ser diferent. Já k ka ten karnaval, tá restã rekorda…por ise, turismoSAB.cv, tá...

read more

Ben sabê más de turismo na Kabeverde!

Inskrevê na nôs newsletter pá sabê más de jôrnal online turismoSAB.cv: no tá mandá so emails ke util y interesante pá bo fka tá sabê medjore o ke tá pása na munde de turisme kabeverdiane.

[et_bloom_inline optin_id="optin_3"]