[yoast-breadcrumb]

Mapa d’ Kabeverde

Lokalizasãu

Lokálizod na Osiane Atlântike, tá fazê kruzamente ke Ouropa, Àfrika y Amérika, Kaverde ten serka de 455 km d´Kosta d´Áfrika, 500 km d´lugar ke dal nome, Cabo Verde. Es 10 ilha spalhôde na mar ten 4033 km². Por inkontrá na kontinuasãu d´dserte Saara, na perkurse d´ventes alísies, arkipélgue é dividide na dôs grupe: Barlavente (Sintanton, Sonsente, Santaluzia, Saniklau, Djasal e Bubista), y Sotavente (Santiague, Djarmai, Djarfogu y Djabrava).

Formá grasas a akumulasãu d’rotxas resultante d’erupsãu vulkanika submarine ke tornal se releve asidentôd. Ke un altitude superiôr a 1.000 metre n´alguns ilha, el ten kome ponte más olte:
Fogu – Pike d´Fogu (Chã d´Kaldeiras) ke 2829 m y 120ª elevasãu d´terra.
Sintanton -Tope de Coroa, ke 1979m, e Pike dô Kruz, ke 1.585m.
Santiague – Pike d’ Antónia ke 1.394m y Serra Malaguéta ke 1.064m).
Seniklau – Monte Gorde ke 1.312m.
Brava – Monte Fontainhas ke 976m.
Sonsente – Monte Verde, 750m).
Sal – Monte Grande ke 252m.
Boa Vista – Monte Estânsia ke 387m.
Maio – Monte Penoso ke 431m.
Santa Luzia – Topôna ke 397m (más plana d´país).

Fáuna y Flôra:

Kabeverde é rike y diversifikôde na se flôra y fáuna influensiôde pá se lokalizasãu atlántida. Posuidôra d´un flôra d´755 espésies, inkluinde serka d´224 espésies indiginas, y 85 endémikas. Entre esse diversidade tá destaká – Dragueire, ke é partikularmente impôrtante por se presensa na ilhas ser antes d´povoamente d´arkipélegue. Y se fáuna tá envolvê alguns resifes, korais, moluskes, artrópedes, peixe, repteis, aves y mamiferus. Entre kes prinsipal espésies tá destaká pôse, korve y Korredera. Por kausa dise, país ten apostôde na kriasãu de árias protegidas (na momente ten serka d´47), 20 na terra y 27 na mar y enkostas.

Visitá sesãu “Vídies
Li bo tá oiá nos mini-dokumentárie ondê nô tá kontá estória d´ese pekene y grande arkipélegue através d´se gente y ses vivênsa. Nô kre mostrá nós dia-a-dia, folklore, múska, dansa, kultura na tude ses vertente y forma d’vivê. Nô tá koloká tude nôs rekurse a disposisãu pá dá nôs leitores un speriênsa rial.