[yoast-breadcrumb]

Kabeverde – Djadsal

Posuidore d´un osiane d´kor únika, praias d´areia sen fin,resorts d´luxo, vida noturna inkantador k´paisagens lunares divine, sen kontá k´kada pôr d´sol juste d´tele pintôde pá naturéza.TurismoSAB.cv tá konvidôb pá ben deskôbri ô redeskubri DjadSal, kel más turistika d nôs país!


U kê fazê n´ilha d´Sal?

Ben má ikipa turismoSAB.cv y dskubri forma más segure d´visita Djadsal. Basta bô kliká pá boxê, bó é diresionôde pá informasãu ke bó tá prokurá: Nô bá pá un kzinha d´stóriaDjadsal foi dskubride a 3 d´dzembre de 1460. Se nome kontrárie ke txeu gente tá pensá, é por kause d´se geografia plana (llana), por kausa d´ses grande superfisie planas y k´alternôde pá algus kadeias montanhosas, sende ke se pont más olte tá fka a norte dílha y tá midi 406 m2 – Monte Grande. Má dpôs ke foi dskuberte dôs grande sapais se nome pása tá ser Sal. Embora Sal ô Djadsal moda é karinhosamente txemod pá ses native, é un dkes ilha más piknin páis (216 km2), é un d´kes destine turistike más prokurôde pá estranger y tambê pá ken tá amá dsporte nautike, modá kitesurf, windsurf (…), mergulhe y peska. Por estôde inseride na região d´áfrika subsáriana, região d´Sahel, el ten un klima áride, txuva xkasá y iregular. Koberte pá vegetal sparta y un rede pluvial irelevante. Por ise ke se fauna é kumpuste pá alguns spésie d´pôse, inste, repteis, péxe y tartaruga.

 

Sal ká tá pratrosiná sô belas praias: Li ten bô ten psibilidade d´fazê uns pasei ineskesive! A depender d´guia é tiver ma bô, xkursãu na Djasal é un autentike aventura. Ten kes ké feite pá kosta d´ilha a beira mar; ote podê fazês ese perkurse, má akompanhôde k alguns paragens pá un grelhôde, mergulhe y té serenata musikal. Má kel más usôde tá pasá pa kes ponte más atrative d´ilha via estrada.

Pontão D´Santa Maria

Tá inisiá ke saidas d´oteis na Santa Maria, pasá pa zona d´Pontão, un de kes lokal más inblemátike d´Santa Maria. Un verdader atrasãu pá ken ta visitá Sal, tonte pá ken kre mergulhá na kel praia, ô fazê alguns sesões fotográfina, ô mesme pá ken kre relaxa tá eskuta onda tá deskebrá na praia. Má pá turista un momente d´maior atrasãu é ora d´serbarke d´kes bote peska ke pexes kolorids y txeu variedade.

Pedra d´Lume

Dpôs kamin é pá Salina d´Pedra D´Lume Lá, bô ten vulkãu stinte ospedôde na kratera d´salinas d´Pedra d´Lume, un d´kes sete maravilhas d´Kabeverde. É un viajen total relaxante y natural grása a sê spa natural a Sêu aberte – un konvite medisinal.

Costa Fragata – Kite Beach

Imblemátika pá se praia xtensa y marailhosa pá amantes d´dsporte nautike – Kitesurf, logo perte Serra Negra. Fka lokalizõde na zona este d´ilha y un d´kes reserva natural d´país, pal ser un lugar xpesial pá abitá d´tartaruga, e sirkulasãu d´areia é tá alimentá kes monte d´dunas d´kel zona.

Vilas Murdera

Dpôs, via estrada tá ruma pá lokalidade d´Murdeira, un lugar stóriku, aberte pá tma un bonhe y un mergulhe toma banho e faze mergulhos na dias d´mar más kalme atraide pa kel água d´azul turkeza.

Espargos

Direte pá Morro Curral, paragen obrigatória na Parokia Lôkal, Nossa Senhora das Dores, logue d´seguida é Antena, lugar ondê é posivel visualizá panorámika d´ilha inter. Palmeira é logue a seguir. Paragen Kais d´peska pá apresenta un pok d´viver d´kel zona piskatória y portuária, ke markôde pa se estile arkitetónike tipe klásike.

Regona y Buracona

Ote lokal protigide, Regona. Un lugar é tá envolvê norte Palmeira, inkorporôde pa un releve más montanhosa, pá dpôs bô tá visualiá un spetákule d´stensãu d´água azul turquesa y areia brônk, pá mas ote konvite pá um bonhe y relaxamente. Momente ainda markante tá reservôde pá Buracona. Luga é tá oferese un bonhe d´pisina natural, formõde pá kes roxede y oiá “Olho Azul”. Un ponte d´referênsia sen igual y ondê txeu guias tá informá turista ô visitantes sobre geologia d´ilha.

Terra Boa

é tá destaká pá patrosiná un miragem d´dserte, por kausa d´efeite d´sol na txon seke y aride. Y tá voltá pá Espargos, ke un visão más realista pá kes bairres d´lata, ondê pá inkrivel ke podê parsê é kamin pá dskobri alguns restaurantes d´prôte tipike nasional. Má kosa ká tá termina li, ainda ten k pasá pá

zona d´Parda

un resife, ondê ten tubarãu limão. Un grande atrative biomarinhe ke txeu turista y visitante tá gostá d sinti por kausa d´kel adrenalina, antes d´pása pá

Pedra D´Lume

é fonte d´stórike D´Djasal. Bô ten vulkãu stinte ospedôde na kratera d´salinas d´Pedra d´Lume, un d´kes sete maravilhas d´Kabeverde y pa. È un viajen totalmente relaxante y natural grasas a sê spa a sêu aberte, un konvite medisinal, ondê bô ta podê dsfrutá d´kel banhe flutuante: Se bô tá d´férias na ilha d´Sal, ten kosa ke bô ka podê txa de oiá!

sbi

Praias

Kes praias d´ilha do Sal tê konsentrôde prinsipalemnte na parte sul d´ilha y kel más konxide praia d´Santa Maria, ondê tá fka Pontãu (espiá kel webcam ao vivo LI) até txega praia d´Algodoeiro. Ten un stensão d´7km d´praias d´areia branca y mar kristaline ke ton azul intense esverdiôde.Spiá más pra boxe vidie frente d´otel Hilton na Santa Maria: 2 minute d´vidie ke son original d´vente y d´ondas pa dsfruta d´un momente d´dskontrasãu, ondê bò tiver. Na Djasal bô ten uns dôs praias ke bo podê visitá alén d´praia Santa Maria. Kome katen praia privadas, bô ten oportunidade d´konxês nun unike dia. Panhá bo fôte bonhe, pegá tualha y xapêu y ben sfrutá d´ese mar imense y intenso! Kliká d´boxe y dskubri fotes y vídies ke TS selesioná apenas pá bô, junte má uns dikas pá tude pôde korré sabin!

 

  • Praia d´Ponta Preta
  • Praia d´Algodoeiro
  • Praia d´Ponta d´Sinó
  • Praia d´Santa Maria
  • Praia d´Costa Fragata (Kite Beach)
  • Praia d´Calheta Funda
sbi

Dsporte

Na Sal, dsporte nautike sen duvda más popular é:

  • Surf
  • WindSurf
  • Skim Board
  • Mergulho
  • Jet Ski
  • Peska y Peska Subakuátika

y klare,

  • Kite Surf, ke dsporte nasional, ondê ke Kabeverde tá akolhê tude ône un etapa d´kampionate mundial GKA.
sbi

Ben sabê más de turismo na Kabeverde!

Inskrevê na nôs newsletter pá sabê más de jôrnal online turismoSAB.cv: no tá mandá so emails ke util y interesante pá bo fka tá sabê medjore o ke tá pása na munde de turisme kabeverdiane.

[et_bloom_inline optin_id="optin_3"]