[yoast-breadcrumb]

ILHAS d’Kabeverde

Kaberverde é dfinide por “Un Nasãu, dêx D´stine”, ise purkê el tá oferesê ses visitantes y se pove speriênsas d´360 ​​graus ke turismoSab.cv tá konvokôb pá bá deskobri junte má nôs!

Tal definisãu é purkê kada ilha é dotôde d´un aspete diferensiôde é tá tornás espesial y unikás, moda eskrevê Brito Semedo, na se obra “A Construção Da Identidade Nacional”, ese dversidade é frute d´un kondisionamente giográfike y stórika, má també é patrosionde pá sékules d´povoamente é ke fazês adkiri karaterístikas tãu diferensiadas y kuase ke individualizadas.

Mesme k´es tiver karaterístikas similhares:

komesôde pá kes ilhas más rike na sol y praia (Sal, Bubista e Mai);

txegá na kes ke destakôde pa ses naturéza más rural, rodiôde pá monte y montanhas emblemátikas fonte d´ses potensial agrikula (Brava, Fogo, Santa Luzia, São Nicolau e Santo Antão);

Té txegá na kes é tá konkista pá potensial ekônomike y industrial moda (Santiago e São Vicente).

Turismosab.cv tá aposta na kriasãu d´un guia, pá ajudá nôs seguidores, leitores y amantes d´dês pedasin terra spalhôde na mei d´mar, podê konxês kada vês más ses spesifisidade y dskubri ses kores, ses sabôr, y sobretude, o k, kes ten pá oferesê kome oferta turistika. Já bô sabê se bo krê konxê lugares na Kabeverde k bô ka podê txa d´visitá, turismosab.cv, tá li pá orietôbe y fazêb txegá lá!

Kal ilha d´Kabeverde ke einda bô ka vsitá?

Modá nô dzê, guia tá dividide por “Speriênsas” (kliká na kes titulo lá driba pá oiá kal ke página dedikôde a ise)!

SOL Y MAR

Nô rekordá dversidade y espesifisidade d´nôs ilha y ses destine: ká eskese ke se bô kre dsfrutá d´un mar limpin, d´ága turkesa y kristalina, sol y temperatura agradável kamin é pa:

djadsal

SAL

Por ser más turistika d´país, DjadSal ká tá pára: é mar y praia durante tude dia, por kausa d´mar kristaline y praia d´area branka, sempre ke diversãu por prefênsa.y d´noite, bô ten un leke de restaurante y bar pá splorá y dskobri – kada apiritivo e delisias gastonômika tikipe, kaseire y tambén pá ken ten gosto más rekintôde.Noite salense tá oferese einda diversãu noturna ben diversifikôd pá disfrutá.

bubista

Bubista

Ilha fantástika, a más arenôsa d´Kabeverde, é Bubista. El tá oferesê paisagens ineskesíveis, naturéza intaktá y un vida selvagem deslunbrante y xei d´trankuilidade.

djarmai

DJARMAI

É un paraíso natural adekuôde pá ken tá gostá d´sfrutá d´ritmes trankiles y desligar d´rotina y d´stresse pá sinti kontate má naturéza intokôde.

Kabeverde ká só praias d´mar d´trá fôlegue, é tambê montanha pá eskalá y fazê tilhas pá kaminhá. Enton, konxê kes ilhas é tá kolokob-b pérte d´naturéza, tá pô-b tá prová sensasãu d´puréza y d´verdader paraise na terra pá ser vivide y splorôde:

djabraba

brava

Ilhda D´flores y ondê k´ome tá kasá k´mar, sima eskrevê Pierre Loti y desenhôde pá Eugénio Tavares, na se pôesia. Brava é ilha d´sodade d´força d´Kretcheu, mod´s eskreve nôs poéta, defensôr d´línga kaberdiana, un mestre d´letras, renovadoor d´Morna.

 

djarfogu

Fogu

Segunde ilha d´Kabeverde a ser povôode y ke destaká pá beléza d´vulkãu einda tive, dse pureza d´se vin y dse kafê. Tá fka 60 milhas d´idade d´Praia, via mar, 30 minutes d´aviãu y 9 milhas Djabrava, 1H d´barke. Un konvite pá fim d´semana pá konxê naturéza pura y saudável.

saniklau

SANIKLAU

Simbolizôde pá ser iha ondê tá inkontra Dragueiro, planta rara, má tá produzi spontaniamente na esse ilha y agora sible de Park natural d´Monte Gordo. Sanniklau é tambén, un lugar pok splorôde, pá se rikéza natural, stórika, litratura y kultura. Ilha d´Chiquinho, primer romance genuine d´Kabeverde, eskrite pá Baltasar Lopes (Nhô Balta). Lugar berse d´nôs inteletualidade por kause d´Seminário Liceu y pá ser ilha d´montanhas maravilhosas (pá traiking).

sentonton

Sentonton

Ilha d´montanha, segunde maior ilha y un d´kes más agrikula d´Kabeverde, ondê ten produsãu avontade d´fruta, vegetais, legumes y verduras pá distribui pá txeu ilha d´país. Un d´kes ilha ke einda tá konservá morabeza. Más tambén é famosa pá se potensialidade pá ekoturismo y aventura rural ke un kontraste deslumbrante y senáres markantes. Ken tá vistá Sentonton tá krê volta sempre!

Ilhas d´esensii São Vicente e Santiago; Ilhas sentre d´kultura, Arte, Musika y Stória.

ilha d' sonsente

SONSENTE

Ilha d´kanaval, kriatividade y kultura, tude infeitôde pá sidade d´Mindelo é konsiderôd kapital d´kultura y d´musika. Sen fála D´Baía das Gata é tá resebê más antigue festival d´páís y oje konsiderôde festival internasional mute desejod.

ilha di santiagu

SANTIAGU

Más pôpulosa d´Kabeverde, y berse d´nõs nasionalidade representôde pá Cidade Velha (Rbera Grande Santiague), patrimõne d´UNESCO y d´humanidade.Santiague é tambê, ilha d´produsãu d´banana, más é tambén un grande produtor agrikula y tá servi tude país. Santiague ten un diversidade ekonómika dinâmika por ser ilha tá akôlhe kapital d´país (Cidade d´Praia), sêde d´poder politke y admninistrative.