- Advertisement -
Ese premiasãu, ke já ti tá bai ne 18ª edisãu, é organizóde pe jornal Publituris y el ten kome obejetive “premiá kes medjor impréza, otêl y alojamente, instituisãu, servise y profisional é k te destaká ne setor de turisme” ne Portugal. Kabe Verde foi numeóde pe categoria “Melhor Destino Internacional”, junte má Dubai, Espanha, Maldivas, México, República Dominicana, Tailândia y Turquia.
Kes vensedor de Publituris Portugal Travel Awards é ileite pa votasãu online y un média entre vote de júri, asinantes d’Publituris y asinantes d’ newsletter. Júri é kumpude pa personalidades d’setor d’ turisme, inkluide representantes d´asosiasãu d’ setor, ex-sekretárie d’Estado de Turismo, empresárie, profisionais y akadémikus.
Edisãu dese óne kontá ke 174 nomeóde, eskulhide pá redasãu d’ Publituris ke base ne trabói feite durante kel periude d´análize (2022). Prémie foi intregue nun serimónia d’ gala, kinta-fêra, 6 de julhe de 2023. Embaixador d’Kabe Verde ne Portugal, Eurico Monteiro, tive presente ne serimónia d´entrega de prémio em representasãu d’Kabe Verde.
Ese prémie é un impulso pa turisme kaboverdiane, é ti tá rekuperá d´impacte de pandemia de COVID-19. Rekordá ke ná 2022, Kabe Verde resebe más de 800 000 turista, un aumente de 394,4% komparóde k one de 2021, konforme dados d´INE y Portugal foi un d’kes prinsipal merkade emisor d’turistas, depôs de Reino Unide, Alemanha y Países Baixos.
Por: turismoSAB.cv, publituris.pt, governo.cv, INE CV
Comentários estão fechados.