Sal ta volta ta resebe kanpionate internasional D’windsurf

Serka de 32 atletas internasiunal ta na ilha d’Sal pa primera etapa d’kanpionate d’munde de windsurf – 2022 PWA Word Cup – na praia d’Ponta Preta, na sidade d’Santa Maria

KabeVerde ta representode pa Josh Angulo, un atleta ke txeu one d` esperiensa,I na kes ultimus edikau feite na KabeVerde el ta karega 2 titule d` kanpeau e un vise-kanpiau.
Un speriensa ke-l ta konta na se favor I txa algun marka pa pais.

“Na nha kabesa N-ta imagina ke ainda N-ta podê, agora e oia se korpe ta guentá. Klare ke un jerasãu txeu forte, ke tude ses manobra i es e mute bom. (…) Nha orgulhe e estode ta representa KabeVerde. Ka mute pa provas. Ja-m tive li ta ganha txeu vez, enton grinhasin e pa estode tá representa i tanbén proveita d’ese mumente pa promovê i pintxa nhos turisme pa frente(…), esin dze turismosab.cv, Josh Angulo.

Ese evente ta representa pa governantes un grande oportunidade pa ilha e pa pais alavanka turisme, ma subretude desporte nautiku e ses potensialiadade.

“Mas un vez Josh mostra ke el e un kabeverdiane, i tude spot ke KabeVerde pode ten ti ta depende de kes tipe d’kontate li ke nos kome governante no ka ta pode ten. (…)”, deskreve Ministre d’Mar, Abraão Vicente e ke faze abertura ofisial d’ivente.
Desporte Nautike na partikular, moda dze admnistrador d’institute d’turisme, Franscico Martins “No ten otimus kondissãu. Alén d’mar imensu no ten bons vente i infrastruturas e ta permite ke atletas tá bem li pa alen d’konpeti, es tá podê disfruta d’li (…)”.

Kanpiunate ta dekore na Praia d`Ponta Preta de 20 a 28 d` fevere I el e un ivente inkoniku porke el ta konta ke kes medjor veladores d` munde e ta ben pa pais pa primer vez na 12 one.KabeVerde ta representode pa Josh Angulo, un atleta ke txeu one d` esperiensa,I na kes ultimus edikau feite na KabeVerde el ta karega 2 titule d` kanpeau e un vise-kanpiau.
Un speriensa ke-l ta konta na se favor I txa algun marka pa pais.

“Na nha kabesa N-ta imagina ke ainda N-ta podê, agora e oia se korpe ta guentá. Klare ke un jerasãu txeu forte, ke tude ses manobra i es e mute bom. (…) Nha orgulhe e estode ta representa KabeVerde. Ka mute pa provas. Ja-m tive li ta ganha txeu vez, enton grinhasin e pa estode tá representa i tanbén proveita d’ese mumente pa promovê i pintxa nhos turisme pa frente(…), esin dze turismosab.cv, Josh Angulo.

Ese evente ta representa pa governantes un grande oportunidade pa ilha e pa pais alavanka turisme, ma subretude desporte nautiku e ses potensialiadade.

“Mas un vez Josh mostra ke el e un kabeverdiane, i tude spot ke KabeVerde pode ten ti ta depende de kes tipe d’kontate li ke nos kome governante no ka ta pode ten. (…)”, deskreve Ministre d’Mar, Abraão Vicente e ke faze abertura ofisial d’ivente.

Desporte Nautike na partikular, moda dze admnistrador d’institute d’turisme, Franscico Martins

“No ten otimus kondissãu. Alén d’mar imensu no ten bons vente i infrastruturas e ta permite ke atletas tá bem li pa alen d’konpeti, es tá podê disfruta d’li (…)”.

Kanpiunate ta dekore na Praia d`Ponta Preta de 20 a 28 d` fevere I el e un ivente inkoniku porke el ta konta ke kes medjor veladores d` munde e ta ben pa pais pa primer vez na 12 one.

Ese primer etapa d’kanpionate d’Munde d’windsurf – 2022 SOMWR 10X Cabo Verde PWA World Cup e organizode pa Professional Windsurfers Association (PWA) e ko.organizode pa Guverne de KabeVerde, atraves d’Instituto do Turismo de Cabo Verde (ITCV) i apoie d’inpresas publike i privode.